6. ඡට්ඨනිස්සග්ගියපාචිත්තියසික්ඛාපදවණ්ණනා

758-762. පාවාරිකස්සාති දුස්සවාණිජකස්ස. යාය චෙතාපිතං, තස්සා නිස්සග්ගියං, නිස්සට්ඨපටිලාභො ච. ‘‘ඉතරාසං පන ජානිත්වා වස්සග්ගෙන පත්තකොට්ඨාසං සාදියන්තීනම්පි න නිස්සග්ගියං, කෙවලං යථාදානෙ එව තාහිපි උපනෙතබ්බ’’න්ති වදන්ති. ‘‘නිස්සට්ඨං පටිලභිත්වාපි යථාදානෙ උපනෙතබ්බ’න්ති වුත්තත්තා සෙසාහි ගහිතං සුග්ගහිත’’න්ති වදන්ති. එත්ථ ගිලානායපි න මොක්ඛො.

ඡට්ඨනිස්සග්ගියපාචිත්තියසික්ඛාපදවණ්ණනා නිට්ඨිතා.