6. චීවරසිබ්බනසික්ඛාපදවණ්ණනා

176. වඤ්චෙත්වාති ‘‘තව ඤාතිකායා’’ති අවත්වා ‘‘එකිස්සා භික්ඛුනියා’’ති එත්තකමෙව වත්වා, තෙ හි ‘‘එකිස්සා’’ති වචනං සුත්වා අඤ්ඤාතිකාය සන්තකසඤ්ඤිනො සිබ්බෙසුං. ඉමස්මිං සික්ඛාපදෙ ‘‘චීවරං නාම ඡන්නං චීවරානං අඤ්ඤතරං චීවර’’න්ති එත්තකමෙව පාළි, තෙන වුත්තං ‘‘චීවරන්ති යං නිවාසෙතුං වා පාරුපිතුං වා’’තිආදි. ‘‘විකප්පනුපගං පච්ඡිම’’න්ති ච ලිඛිතං, සො පමාදලෙඛො.

චීවරසිබ්බනසික්ඛාපදවණ්ණනා නිට්ඨිතා.