234. කස්සපගොත්තභික්ඛුවත්ථුකථා

380. චම්පෙය්‍යක්ඛන්ධකෙ ගග්ගරාය පොක්ඛරණියාති එත්ථ ගග්ගරසද්දස්ස නාමසද්දභාවං දස්සෙන්තො ආහ ‘‘ගග්ගරනාමිකාය ඉත්ථියා’’ති. ඉමිනා ගග්ගරසද්දො ගග්ගරඉති නාමං පවත්තිනිමිත්තං කත්වා ඉත්ථිදබ්බං වදතීති දස්සෙති. තන්තිපටිබද්ධොති තන්තියා පටිබද්ධො. ‘‘උස්සුක්කම්පි අකාසි යාගුයා’’තිආදීසු එවං විනිච්ඡයො වෙදිතබ්බොති යොජනා. තස්ස භික්ඛුනොති කස්සපගොත්තනාමකස්ස තස්ස භික්ඛුනො. තත්ථෙවාති වාසභගාමෙයෙව.

382. අධම්මෙන වග්ගකම්මං කරොන්තීතිආදීනං නානාකරණන්ති සම්බන්ධො.