205. රාජගහසෙට්ඨිවත්ථුකථා
332. ඉරියාපථසම්පරිවත්තනෙනාති ඉරියාපථස්ස පුනප්පුනං පරිවත්තනෙන. තීහි සත්තාහෙහි නිච්චලස්ස නිපන්නස්ස අස්ස සෙට්ඨිස්ස මත්ථලුඞ්ගන්ති යොජනා. අප්පෙව නිපජ්ජෙය්‍යාති යොජනා. නන්ති සෙට්ඨිං. තෙනෙවාති තෙනෙව කාරණෙන. සීසං ඡාදෙතීති සීසච්ඡවීති වුත්තෙ සීසපටිච්ඡාදනචම්මන්ති ආහ ‘‘සීසචම්ම’’න්ති. තස්සාති සෙට්ඨිස්ස. තීහි සත්තාහෙනාති එත්ථ පුබ්බපදෙන පච්ඡිමපදං ගුණිත්වා ගහෙතබ්බන්ති ආහ ‘‘තීහි පස්සෙහි එකෙනෙකෙන සත්තාහෙනා’’ති.
333. ජනං නීහරාපෙත්වාති ජනං අපක්කමාපෙත්වා.