6. ඡට්ඨසික්ඛාපදං

909. ඡට්ඨෙ ‘‘අඤ්ඤං පරික්ඛාර’’න්තිඑත්ථ පරික්ඛාරස්ස සරූපං දස්සෙන්තො ආහ ‘‘යංකිඤ්චී’’තිආදි. යංකිඤ්චි අඤ්ඤතරන්ති සම්බන්ධො. කිත්තකංඅග්ඝනකන්ති කිං පමාණෙන අග්ඝෙන අරහං චීවරං. දාතුකාමත්ථාති තුම්හෙ දාතුකාමා භවථාති අත්ථො. කතිපාහෙනාති කතිපයානි අහානි කතිපාහං, යකාරලොපො. කතිපයසද්දොහි ද්විතිවාචකො රූළ්හීසද්දො, තෙන කතිපාහෙන. සමග්ඝන්ති අප්පග්ඝං. සංසද්දො හි අප්පත්ථවාචකොති. ඡට්ඨං.