5. පඤ්චමසික්ඛාපදං

1043. පඤ්චමෙ ‘‘කුලෙ මච්ඡරො’’ති එත්ථ මච්ඡරනං මච්ඡරොති වචනත්ථො කාතබ්බො. ‘‘තං කුලං අස්සද්ධං අප්පසන්න’’න්ති කුලස්ස අවණ්ණං භාසතීති යොජනා. ‘‘භික්ඛුනියො දුස්සීලා පාපධම්මා’’ති භික්ඛුනීනං අවණ්ණං භාසතීති යොජනා.

1045. ‘‘සන්තංයෙව ආදීනව’’න්ති සම්බන්ධියා සම්බන්ධං දස්සෙතුං වුත්තං ‘‘කුලස්ස වා භික්ඛුනීනං වා’’ති ඉමිනා ද්වීසු අඤ්ඤතරමෙව න සම්බන්ධො හොති, අථ ඛො ද්වයම්පීති දස්සෙතීති. පඤ්චමං.