47. සුද්ධිනිද්දෙසො

සුද්ධීති –

455. දෙසනා සංවරො එට්ඨිපච්චවෙක්ඛණ භෙදතො;

සුද්ධී චතුබ්බිධා පාතිමොක්ඛසංවරසම්මතං;

දෙසනාය විසුද්ධත්තා, දෙසනාසුද්ධි වුච්චති.

456. ‘‘න පුනෙවං කරිස්ස’’න්ති, චිත්තාධිට්ඨානසංවරා;

වුත්තො සංවරසුද්ධීති, සුජ්ඣතින්ද්‍රියසංවරො.

457. පහායානෙසනං ධම්මෙනුප්පාදෙන්තස්ස එට්ඨියා;

සුද්ධත්තා එට්ඨිසුද්ධීති, වුත්තමාජීවනිස්සිතං.

458. යොනිසො පටිසඞ්ඛාය, චීවරං පටිසෙවති;

එවමාදියථාවුත්ත-පච්චවෙක්ඛණසුජ්ඣනා;

පච්චවෙක්ඛණසුද්ධීති, වුත්තං පච්චයනිස්සිතන්ති.