29. මිච්ඡාජීවවිවජ්ජනානිද්දෙසො

මිච්ඡාජීවවිවජ්ජනාති –

209. දාරුං වෙළුං ඵලං පුප්ඵං, චුණ්ණං න්හානමුඛොදකං;

මත්තිකාදන්තකට්ඨාදිං, න දදෙ කුලසඞ්ගහා.

210. පාරිභටකතාමුග්ග-සූප්‍යතාවත්ථුවිජ්ජයා;

පහෙණදූතකම්මෙන, ජඞ්ඝපෙසනියෙන වා.

211. අනුප්පදානප්පටිපිණ්ඩ-වෙජ්ජකම්මෙන වා පන;

නාඤ්ඤෙන වාපි සම්බුද්ධප්පටිකුට්ඨෙන ජීවයෙ.

212. විඤ්ඤත්තිනෙසනාභූතුල්ලපනාකුහනාදිහි;

කුලදූසාදිනුප්පන්නපච්චයෙ පරිවජ්ජයෙති.