17. ආපුච්ඡකරණනිද්දෙසො

ආපුච්ඡකරණන්ති –

161. අනජ්ඣිට්ඨොව ථෙරෙන, පාතිමොක්ඛං න උද්දිසෙ;

ධම්මං න කථයෙ පඤ්හං, න පුච්ඡෙ න ච විස්සජෙ.

162. ආපුච්ඡිත්වා කථෙන්තස්ස, පුන වුඩ්ඪතරාගමෙ;

පුන ආපුච්ඡනං නත්ථි, භත්තග්ගෙ චානුමොදතො.

163. වසන්තො ච අනාපුච්ඡා, වුඩ්ඪෙනෙකවිහාරකෙ;

න සජ්ඣායෙය්‍ය උද්දෙසං, පරිපුච්ඡඤ්ච නො දදෙ.

164. ධම්මං න භාසයෙ දීපං, න කරෙ න ච විජ්ඣපෙ;

වාතපානං කවාටං වා, විවරෙය්‍ය ථකෙය්‍ය ච.

165. චඞ්කමෙ චඞ්කමන්තොපි, වුඩ්ඪෙන පරිවත්තයෙ;

යෙන වුඩ්ඪො ස සඞ්ඝාටි-කණ්ණෙනෙනං න ඝට්ටයෙති.