9. තිරච්ඡානවිජ්ජාපරියාපුණනසික්ඛාපදවණ්ණනා

හත්ථිආදීසුපි (සාරත්ථ. ටී. පාචිත්තිය 3.1015) සිප්පසද්දො පච්චෙකං යොජෙතබ්බො, තථා ආථබ්බණාදීසු මන්තසද්දො. තත්ථ ථරූති ඛග්ගමුට්ඨි. ආථබ්බණමන්තො නාම ආථබ්බණවෙදවිහිතො පරූපඝාතකරො මන්තො. ඛිලනමන්තො නාම දාරුසාරඛිලං මන්තෙත්වා පථවියං පවෙසෙත්වා මාරණමන්තො. අගදප්පයොගො නාම විසයොජනං.

තිරච්ඡානවිජ්ජාපරියාපුණනසික්ඛාපදවණ්ණනා නිට්ඨිතා.