5. භිංසාපනසික්ඛාපදවණ්ණනා
පඤ්චමෙ භිංසාපෙය්‍යාති භිංසාපනත්ථං රූපාදීනි උපසංහරෙය්‍ය, භයානකකථං වා කථෙය්‍ය. සො පන භායතු වා, මා වා, ඉතරස්ස පාචිත්තියං.
සාවත්ථියං ඡබ්බග්ගියෙ භික්ඛූ ආරබ්භ භිංසාපනවත්ථුස්මිං පඤ්ඤත්තං, සාධාරණපඤ්ඤත්ති, අනාණත්තිකං, තිකපාචිත්තියං. අනුපසම්පන්නෙ තිකදුක්කටං, න භිංසාපෙතුකාමස්ස තථා කරොතො, උම්මත්තකාදීනඤ්ච අනාපත්ති. උපසම්පන්නතා, තස්ස දස්සනසවනවිසයෙ භිංසාපෙතුකාමතාය වායාමනන්ති ඉමානෙත්ථ ද්වෙ අඞ්ගානි. සමුට්ඨානාදීනි අනන්තරසික්ඛාපදසදිසානෙවාති.
භිංසාපනසික්ඛාපදවණ්ණනා නිට්ඨිතා.