8. පඨමසහජීවිනිසික්ඛාපදවණ්ණනා
අට්ඨමෙ සහජීවිනින්ති සද්ධිවිහාරිනිං. නෙව අනුග්ගණ්හෙය්‍යාති සයං උද්දෙසාදීහි නානුග්ගණ්හෙය්‍ය. න අනුග්ගණ්හාපෙය්‍යාති ‘‘ඉමිස්සා, අය්‍යෙ, උද්දෙසාදීනි දෙහී’’ති එවං න අඤ්ඤාය අනුග්ගණ්හාපෙය්‍ය. පාචිත්තියන්ති ධුරෙ නික්ඛිත්තමත්තෙ පාචිත්තියං.
සාවත්ථියං ථුල්ලනන්දං ආරබ්භ එවරූපෙ වත්ථුස්මිං පඤ්ඤත්තං, සෙසමෙත්ථ තුවට්ටවග්ගෙ දුක්ඛිතසහජීවිනිසික්ඛාපදෙ වුත්තසදිසමෙවාති.
පඨමසහජීවිනිසික්ඛාපදවණ්ණනා නිට්ඨිතා.