නඅත්තපඤ්ඤත්තිවණ්ණනා

119. ආරද්ධවිපස්සකොපීති සම්පරායිකවිපස්සකොපි, තෙන බලවවිපස්සනාය ඨිතං පුග්ගලං දස්සෙති. න පඤ්ඤපෙති එව අබහුස්සුතො පීති අධිප්පායො. තාදිසො හි විපස්සනාය ආනුභාවො. සාසනිකොපි ඣානාභිඤ්ඤාලාභී ‘‘න පඤ්ඤපෙතී’’ති න වත්තබ්බොති සො ඉධ න උද්ධටො. ඉදානි නෙසං අපඤ්ඤාපනෙ කාරණං දස්සෙති ‘‘එතෙසඤ්හී’’තිආදිනා. ඉච්චෙව ඤාණං හොති, න විපරීතග්ගාහො තස්ස කාරණස්ස දූරසමුස්සාරිතත්තා. අරූපක්ඛන්ධා ඉච්චෙව ඤාණං හොතීති යොජනා.