2. අභිධම්මභාජනීයවණ්ණනා

444. සාධිපතිවාරානි අට්ඨසතානි, තෙසු පච්චෙකං චත්තාරො ඉද්ධිපාදා න සම්භවන්තීති ආහ ‘‘සාධිපතිවාරානං පරිපුණ්ණානං අභාවා’’ති. තත්ථ කාරණමාහ ‘‘න හි අධිපතීනං අධිපතයො විජ්ජන්තී’’ති. යදි හි අධිපතී සියුං සාධිපතීති ඉද්ධිපාදභෙදෙන ද්වත්තිංස නයසතානි, සුද්ධිකානි අට්ඨාති චත්තාරි නයසහස්සානි භවෙය්‍යුං, තං පන නත්ථීති අධිප්පායො. යත්තකා පන නයා ඉධ ලබ්භන්ති, තං දස්සෙතුං ‘‘එකෙකස්මිං පනා’’තිආදි වුත්තං. සුද්ධිකානි අට්ඨ නයසතානි සාධිපතිකානිපි අට්ඨෙවාති චතුන්නං මග්ගානං වසෙන සොළස නයසතානි.

අභිධම්මභාජනීයවණ්ණනා නිට්ඨිතා.