10. උදායිසුත්තවණ්ණනා
40. දසමෙ පාණසමාරම්භරහිතන්ති පාණඝාතරහිතං. අබ්‍යාබජ්ඣං සුඛං ලොකං, පණ්ඩිතො උපපජ්ජතීති කාමච්ඡන්දාදිබ්‍යාපාදවිරහිතත්තා අබ්‍යාබජ්ඣං නිද්දුක්ඛං. පරපීළාභාවෙ පන වත්තබ්බං නත්ථි. ඣානසමාපත්තිවසෙන සුඛබහුලත්තා සුඛං එකන්තසුඛං බ්‍රහ්මලොකං ඣානපුඤ්ඤෙන, ඉතරපුඤ්ඤෙන පන තදඤ්ඤසම්පත්තිභවසඞ්ඛාතං සුඛං ලොකං පණ්ඩිතො සප්පඤ්ඤො උපෙති. සෙසං උත්තානමෙව.
උදායිසුත්තවණ්ණනා නිට්ඨිතා.
චක්කවග්ගවණ්ණනා නිට්ඨිතා.