6. උම්මග්ගසුත්තවණ්ණනා
186. ඡට්ඨෙ ආකඩ්ඪීයතීති චිත්තවසිකො ලොකො තත්ථ තත්ථ උපකඩ්ඪීයති. තෙසංයෙවෙත්ථ ගහණං වෙදිතබ්බන්ති යෙ අපරිඤ්ඤාතවත්ථුකා චිත්තස්ස වසං ගච්ඡන්ති, තෙසංයෙව ගහණං. න හි පරිඤ්ඤාතක්ඛන්ධා පහීනකිලෙසා චිත්තස්ස වසං ගච්ඡන්ති, චිත්තං පන අත්තනො වසෙ වත්තෙන්ති. සහ සීලෙනාති චාරිත්තවාරිත්තසීලෙන සද්ධිං. පුබ්බභාගපටිපදන්ති ධුතඞ්ගමාදිං කත්වා යාව ගොත්‍රභුඤාණං, තාව පවත්තෙතබ්බං සමථවිපස්සනාසඞ්ඛාතං සම්මාපටිපදං. සෙසං සුවිඤ්ඤෙය්‍යමෙව.
උම්මග්ගසුත්තවණ්ණනා නිට්ඨිතා.