10. උපොසථසුත්තවණ්ණනා
190. දසමෙ තුණ්හීභූතං තුණ්හීභූතන්ති ආමෙඩිතවචනං බ්‍යාපනිච්ඡාවසෙන වුත්තන්ති ආහ ‘‘යතො යතො අනුවිලොකෙතී’’ති. අනුවිලොකෙත්වාති එත්ථ අනු-සද්දොපි බ්‍යාපනිච්ඡාවචනමෙවාති අනු අනු විලොකෙත්වාති අත්ථො, පඤ්චපසාදප්පටිමණ්ඩිතානි අක්ඛීනි උම්මීලෙත්වා තතො තතො විලොකෙත්වාති වුත්තං හොති. අලන්ති යුත්තං, ඔපායිකන්ති අත්ථො ‘‘අලමෙව නිබ්බින්දිතු’’න්තිආදීසු (දී. නි. 2.272; සං. නි. 2.124-126) විය. පුටබන්ධනෙන පරිහරිත්වා අසිතබ්බං පුටොසං සම්බලං අ-කාරස්ස ඔ-කාරං කත්වා. තෙනාහ ‘‘පාථෙය්‍ය’’න්ති. සෙසමෙත්ථ සුවිඤ්ඤෙය්‍යමෙව.
උපොසථසුත්තවණ්ණනා නිට්ඨිතා.
බ්‍රාහ්මණවග්ගවණ්ණනා නිට්ඨිතා.