7. සොභනසුත්තවණ්ණනා

7. සත්තමෙ පඤ්ඤාවෙය්‍යත්තියෙනාති සච්චසම්පටිවෙධාදිපඤ්ඤාවෙය්‍යත්තියෙන. විනයං උපෙතාති තදඞ්ගාදිවසෙන කිලෙසානං විනයං උපෙතා. වෙසාරජ්ජෙනාති සාරජ්ජකරානං දිට්ඨිවිචිකිච්ඡාදිපාපධම්මානං විගමනතො වෙසාරජ්ජෙන, සාරජ්ජරහිතෙනාති අත්ථො. තෙපිටකවසෙන බහු සුතං එතෙසන්ති බහුස්සුතා. තමෙව පරියත්තිධම්මං ධාරෙන්ති සුවණ්ණභාජනෙ පක්ඛිත්තසීහවසං විය විනස්සන්තං අකත්වා සුප්පගුණසුප්පවත්තිභාවෙන හදයෙ ඨපෙන්තීති ධම්මධරා. එදිසා ච අත්තනා සුතස්ස ධම්මස්ස ආධාරභූතා නාම හොන්තීති ආහ ‘‘සුතධම්මානං ආධාරභූතා’’ති.

සොභනසුත්තවණ්ණනා නිට්ඨිතා.