4. උදකරහදසුත්තවණ්ණනා

104. චතුත්ථෙ උදකරහදො ජණ්ණුකමත්තෙපි උදකෙ සති පණ්ණරසසම්භින්නවණ්ණත්තා වා බහලත්තා වා උදකස්ස අපඤ්ඤායමානතලො උත්තානො ගම්භීරොභාසො නාම හොතීති ආහ ‘‘පුරාණපණ්ණරස…පෙ… ගම්භීරොභාසො නාමා’’ති. තිපොරිසචතුපොරිසෙ පන උදකෙ සති අච්ඡත්තා උදකස්ස පඤ්ඤායමානතලො ගම්භීරො උත්තානොභාසො නාම හොතීති ආහ ‘‘අච්ඡවිප්පසන්නමණිවණ්ණඋදකො උත්තානොභාසො නාමා’’ති. උභයකාරණසම්භවතො පන ඉතරෙ ද්වෙ වෙදිතබ්බා. පුග්ගලෙපි කිලෙසුස්සදභාවතො ගුණගම්භීරතාය ච අභාවතො ගුණගම්භීරානං සදිසෙහි අභික්කමනාදීහි යුත්තො උත්තානො ගම්භීරොභාසො නාම. ඉමිනා නයෙන සෙසා වෙදිතබ්බා.

උදකරහදසුත්තවණ්ණනා නිට්ඨිතා.