3-4. අඤ්ඤතරබ්‍රාහ්මණසුත්තාදිවණ්ණනා

54-55. තතියෙ යෙසං රාගාදීනං අප්පහානෙන පුරිසස්ස අත්තබ්‍යාබාධාදීනං සම්භවො, පහානෙන අසම්භවොති එවං රාගාදීනං පහායකො අරියධම්මො මහානුභාවතාය මහානිසංසතාය ච සාමං පස්සිතබ්බොති සන්දිට්ඨිකො. ඉමිනා නයෙන සෙසෙසු පදෙසුපි යථාරහං නීහරිත්වා වත්තබ්බො. සද්දත්ථො පන විසුද්ධිමග්ගසංවණ්ණනාසු (විසුද්ධි. මහාටී. 1.147) වුත්තනයෙන වෙදිතබ්බො. චතුත්ථං උත්තානත්ථමෙව.

අඤ්ඤතරබ්‍රාහ්මණසුත්තාදිවණ්ණනා නිට්ඨිතා.