10. ආතප්පකරණීයසුත්තවණ්ණනා

50. දසමෙ සරීරසම්භවානන්ති සරීරෙ සම්භූතානං. දුක්ඛානන්ති අනිට්ඨානං. බහලානන්ති නිරන්තරප්පවත්තියා අවිරළානං. තාපනවසෙනාති දුක්ඛාපනවසෙන. තිබ්බානන්ති කුරූරානං. තාසං යථාවුත්තානං අධිවාසනාය පහාතබ්බදුක්ඛවෙදනානං පජහනං නාම ඛමනමෙවාති ආහ ‘‘ඛමනත්ථායා’’ති. ආණාපෙත්වාති ‘‘ආතප්පං කරණීය’’න්ති බුද්ධාණං විධාය. ලොකියලොකුත්තරමිස්සකා කථිතා සසම්භාරානං මග්ගධම්මානං කථිතත්තා.

ආතප්පකරණීයසුත්තවණ්ණනා නිට්ඨිතා.