2. පරිසාසුත්තවණ්ණනා

135. දුතියෙ අප්පටිපුච්ඡිත්වා විනීතාති ‘‘තං කිං මඤ්ඤථ, භික්ඛවෙ, රූපං නිච්චං වා අනිච්චං වා’’තිආදිනා අප්පටිපුච්ඡිත්වා කෙවලං ධම්මදෙසනාවසෙනෙව විනීතපරිසා. දුබ්බිනීතපරිසාති දුක්ඛෙන විනීතපරිසා. පුච්ඡිත්වා විනීතාති ‘‘තං කිං මඤ්ඤථ, භික්ඛවෙ’’තිආදිනා පුච්ඡිත්වා අනුමතිග්ගහණවසෙන විනීතා. සුවිනීතපරිසාති සුඛෙන විනීතපරිසා. අනුමතිග්ගහණවසෙන විනයනඤ්හි න දුක්කරං හොති.

පරිසාසුත්තවණ්ණනා නිට්ඨිතා.