11-13. පඨමමොරනිවාපසුත්තාදිවණ්ණනා
144-146. එකාදසමෙ අකුප්පධම්මතාය ඛයවයසඞ්ඛාතං අන්තං අතීතාති අච්චන්තා, එවං අපරිහායනසභාවත්තා අච්චන්තා නිට්ඨා අස්සාති අච්චන්තනිට්ඨො. තෙනාහ ‘‘අන්තං අතික්කන්තනිට්ඨො’’තිආදි. න හි පටිවිද්ධස්ස ලොකුත්තරධම්මස්ස දස්සනං කුප්පනං නාම අත්ථි. ධුවනිට්ඨොති සතතනිට්ඨො. අච්චන්තමෙව චතූහි යොගෙහි ඛෙමො එතස්ස අත්ථීති අච්චන්තයොගක්ඛෙමී, නිච්චයොගක්ඛෙමීති අත්ථො. මග්ගබ්‍රහ්මචරියස්ස වුසිතත්තා තස්ස අවිහායනසභාවත්තා අච්චන්තං බ්‍රහ්මචාරීති අච්චන්තබ්‍රහ්මචාරී, නිච්චබ්‍රහ්මචාරීති අත්ථො. පරියොසානන්ති බ්‍රහ්මචරියපරියොසානං වට්ටදුක්ඛපරියොසානඤ්ච. අච්චන්තං පරියොසානමස්සාති අච්චන්තපරියොසානො. ද්වාදසමතෙරසමානි උත්තානත්ථානෙව.
පඨමමොරනිවාපසුත්තාදිවණ්ණනා නිට්ඨිතා.
යොධාජීවවග්ගවණ්ණනා නිට්ඨිතා.
147-156. මඞ්ගලවග්ගො උත්තානත්ථොයෙව.
තතියපණ්ණාසකං නිට්ඨිතං.