6. කටුවියසුත්තවණ්ණනා

129. ඡට්ඨෙ ගාවීනං කයවික්කයවසෙන යොගො එත්ථාති ගොයොගො, කයවික්කයං කරොන්තො ගාවීහි යුජ්ජන්ති එත්ථාති වා ගොයොගො, ගාවීනං වික්කයට්ඨානං. තත්ථ ජාතො පිලක්ඛරුක්ඛො ගොයොගපිලක්ඛො, තස්මිං. සමීපත්ථෙ චෙතං භුම්මවචනං. තෙනාහ ‘‘ගාවීනං වික්කයට්ඨානෙ උට්ඨිතපිලක්ඛස්ස සන්තිකෙ’’ති. රිත්තො අස්සාදො එතස්සාති රිත්තස්සාදො. තෙනාහ ‘‘ඣානසුඛාභාවෙන රිත්තස්සාද’’න්ති. සෙසමෙත්ථ උත්තානමෙව.

කටුවියසුත්තවණ්ණනා නිට්ඨිතා.