4-9. සමණබ්රාහ්මණසුත්තාදිවණ්ණනා
107-112. චතුත්ථෙ සාමඤ්ඤන්ති අරියමග්ගො, තෙන අරණීයතො උපගන්තබ්බතො සාමඤ්ඤත්ථං, අරියඵලන්ති ආහ ‘‘සාමඤ්ඤත්ථන්ති චතුබ්බිධං අරියඵල’’න්ති. බ්රහ්මඤ්ඤත්ථන්ති එත්ථාපි එසෙව නයො. තෙනාහ ‘‘ඉතරං තස්සෙව වෙවචන’’න්ති. අරියමග්ගසඞ්ඛාතං සාමඤ්ඤමෙව වා අරණීයතො සාමඤ්ඤත්ථන්ති ආහ ‘‘සාමඤ්ඤත්ථෙන වා චත්තාරො මග්ගා’’ති. පඤ්චමාදීනි උත්තානත්ථානෙව.
සමණබ්රාහ්මණසුත්තාදිවණ්ණනා නිට්ඨිතා.