10. චතුත්ථආමකධඤ්ඤපෙය්‍යාලවග්ගො

1. ඛෙත්තවත්ථුසුත්තං

1161. …පෙ… ‘‘එවමෙව ඛො, භික්ඛවෙ, අප්පකා තෙ සත්තා යෙ ඛෙත්තවත්ථුපටිග්ගහණා පටිවිරතා; අථ ඛො එතෙව බහුතරා සත්තා යෙ ඛෙත්තවත්ථුපටිග්ගහණා අප්පටිවිරතා…පෙ…. පඨමං.

2. කයවික්කයසුත්තං

1162. …පෙ… ‘‘එවමෙව ඛො, භික්ඛවෙ, අප්පකා තෙ සත්තා යෙ කයවික්කයා පටිවිරතා; අථ ඛො එතෙව බහුතරා සත්තා යෙ කයවික්කයා අප්පටිවිරතා…පෙ…. දුතියං.

3. දූතෙය්‍යසුත්තං

1163. …පෙ… ‘‘එවමෙව ඛො, භික්ඛවෙ, අප්පකා තෙ සත්තා යෙ දූතෙය්‍යපහිනගමනානුයොගා පටිවිරතා; අථ ඛො එතෙව බහුතරා සත්තා යෙ දූතෙය්‍යපහිනගමනානුයොගා අප්පටිවිරතා…පෙ…. තතියං.

4. තුලාකූටසුත්තං

1164. …පෙ… ‘‘එවමෙව ඛො, භික්ඛවෙ, අප්පකා තෙ සත්තා යෙ තුලාකූටකංසකූටමානකූටා පටිවිරතා; අථ ඛො එතෙව බහුතරා සත්තා යෙ තුලාකූටකංසකූටමානකූටා අප්පටිවිරතා…පෙ…. චතුත්ථං.

5. උක්කොටනසුත්තං

1165. …පෙ… ‘‘එවමෙව ඛො, භික්ඛවෙ, අප්පකා තෙ සත්තා යෙ උක්කොටනවඤ්චනනිකතිසාචියොගා [උක්කොටනවඤ්චනනිකතිසාවියොගා (ස්‍යා. කං. පී. ක.)] පටිවිරතා; අථ ඛො එතෙව බහුතරා සත්තා යෙ උක්කොටනවඤ්චනනිකතිසාචියොගා අප්පටිවිරතා…පෙ…. පඤ්චමං.

6-11. ඡෙදනාදිසුත්තං

1166-1171. …පෙ… එවමෙව ඛො, භික්ඛවෙ, අප්පකා තෙ සත්තා යෙ ඡෙදනවධබන්ධනවිපරාමොසආලොපසහසාකාරා [සාහසාකාරා (ක.)] පටිවිරතා; අථ ඛො එතෙව බහුතරා සත්තා යෙ ඡෙදනවධබන්ධනවිපරාමොසආලොපසහසාකාරා අප්පටිවිරතා. තං කිස්ස හෙතු? අදිට්ඨත්තා භික්ඛවෙ, චතුන්නං අරියසච්චානං. කතමෙසං චතුන්නං? දුක්ඛස්ස අරියසච්චස්ස…පෙ… දුක්ඛනිරොධගාමිනියා පටිපදාය අරියසච්චස්ස’’.

‘‘තස්මාතිහ, භික්ඛවෙ, ‘ඉදං දුක්ඛ’න්ති යොගො කරණීයො…පෙ… ‘අයං දුක්ඛනිරොධගාමිනී පටිපදා’ති යොගො කරණීයො’’ති. එකාදසමං.

චතුත්ථආමකධඤ්ඤපෙය්‍යාලවග්ගො දසමො.

තස්සුද්දානං –

ඛෙත්තං කායං දූතෙය්‍යඤ්ච, තුලාකූටං උක්කොටනං;

ඡෙදනං වධබන්ධනං, විපරාලොපං සාහසන්ති.