5. උබ්බිරිථෙරීගාථා

51. ‘‘අම්ම ජීවාති වනම්හි කන්දසි, අත්තානං අධිගච්ඡ උබ්බිරි;

චුල්ලාසීතිසහස්සානි [චූළාසීතිසහස්සානි (සී.)], සබ්බා ජීවසනාමිකා;

එතම්හාළාහනෙ දඩ්ඪා, තාසං කමනුසොචසි.

52. ‘‘අබ්බහී [අබ්බුතී (ස්‍යා.), අබ්බුළ්හං (ක.)] වත මෙ සල්ලං, දුද්දසං හදයස්සිතං [හදයනිස්සිතං (සී. ස්‍යා.)];

යං මෙ සොකපරෙතාය, ධීතුසොකං බ්‍යපානුදි.

53. ‘‘සාජ්ජ අබ්බූළ්හසල්ලාහං, නිච්ඡාතා පරිනිබ්බුතා;

බුද්ධං ධම්මඤ්ච සඞ්ඝඤ්ච, උපෙමි සරණං මුනි’’න්ති.

… උබ්බිරී ථෙරී….