12. ධම්මදින්නාථෙරීගාථා

12. ‘‘ඡන්දජාතා අවසායී, මනසා ච ඵුටා [ඵුට්ඨා (ස්‍යා.), ඵුඨා (සී. අට්ඨ.)] සියා;

කාමෙසු අප්පටිබද්ධචිත්තා [අප්පටිබන්ධචිත්තා (ක.)], උද්ධංසොතාති වුච්චතී’’ති [උද්ධංසොතා විමුච්චතීති (සී. පී.)].

… ධම්මදින්නා ථෙරී….

13.විසාඛාථෙරීගාථා

13. ‘‘කරොථ බුද්ධසාසනං, යං කත්වා නානුතප්පති;

ඛිප්පං පාදානි ධොවිත්වා, එකමන්තෙ නිසීදථා’’ති.

… විසාඛා ථෙරී….

14.සුමනාථෙරීගාථා

14. ‘‘ධාතුයො දුක්ඛතො දිස්වා, මා ජාතිං පුනරාගමි;

භවෙ ඡන්දං විරාජෙත්වා, උපසන්තා චරිස්සසී’’ති.

… සුමනා ථෙරී….