3. මොදකදායිකාථෙරීඅපදානං

30. ‘‘නගරෙ බන්ධුමතියා, කුම්භදාසී අහොසහං;

මම භාගං ගහෙත්වාන, ගච්ඡං උදකහාරිකා [උදකහාරිකං (සී.), උදකහාරිකෙ (ස්‍යා.)].

31. ‘‘පන්ථම්හි සමණං දිස්වා, සන්තචිත්තං සමාහතං;

පසන්නචිත්තා සුමනා, මොදකෙ තීණිදාසහං.

32. ‘‘තෙන කම්මෙන සුකතෙන, චෙතනාපණිධීහි ච;

එකනවුතිකප්පානි [එකූනතිංසකප්පානි (ස්‍යා.)], විනිපාතං නගච්ඡහං.

33. ‘‘සම්පත්ති තං [සම්පත්තිඤ්ච (ස්‍යා.), සම්පත්තිකං (ක.)] කරිත්වාන, සබ්බං අනුභවිං අහං;

මොදකෙ තීණි දත්වාන, පත්තාහං අචලං පදං.

34. ‘‘කිලෙසා ඣාපිතා මය්හං…පෙ… විහරාමි අනාසවා.

35. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

36. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං මොදකදායිකා භික්ඛුනී ඉමා ගාථායො අභාසිත්ථාති.

මොදකදායිකාථෙරියාපදානං තතියං.