4. සඞ්කමනත්ථාථෙරීඅපදානං

31. ‘‘විපස්සිස්ස භගවතො [කොණ්ඩඤ්ඤස්ස භගවතො (ස්‍යා. පී.)], ලොකජෙට්ඨස්ස තාදිනො;

රථියං පටිපන්නස්ස, තාරයන්තස්ස පාණිනො.

32. ‘‘ඝරතො නික්ඛමිත්වාන, අවකුජ්ජා නිපජ්ජහං;

අනුකම්පකො ලොකනාථො, සිරසි [සීසන්තෙ (සී. ක.)] අක්කමී මම [තදා (ස්‍යා. පී.)].

33. ‘‘අක්කමිත්වාන සිරසි [සම්බුද්ධො (ක.)], අගමා ලොකනායකො;

තෙන චිත්තප්පසාදෙන, තුසිතං අගමාසහං.

34. ‘‘කිලෙසා ඣාපිතා මය්හං…පෙ… විහරාමි අනාසවා.

35. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

36. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං සඞ්කමනත්ථා [සඞ්කමනදා (ස්‍යා.)] භික්ඛුනී ඉමා ගාථායො අභාසිත්ථාති.

සඞ්කමනත්ථාථෙරියාපදානං චතුත්ථං.