2. මෙඛලාදායිකාථෙරීඅපදානං

20. ‘‘සිද්ධත්ථස්ස භගවතො, ථූපකාරාපිකා අහුං [ථූපකාර මකාසහං (ස්‍යා.)];

මෙඛලිකා මයා දින්නා, නවකම්මාය සත්ථුනො.

21. ‘‘නිට්ඨිතෙ ච මහාථූපෙ, මෙඛලං පුනදාසහං;

ලොකනාථස්ස මුනිනො, පසන්නා සෙහි පාණිභි.

22. ‘‘චතුන්නවුතිතො කප්පෙ, යං මෙඛලමදං තදා;

දුග්ගතිං නාභිජානාමි, ථූපකාරස්සිදං ඵලං.

23. ‘‘කිලෙසා ඣාපිතා මය්හං…පෙ… විහරාමි අනාසවා.

24. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

25. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං මෙඛලාදායිකා භික්ඛුනී ඉමා ගාථායො අභාසිත්ථාති.

මෙඛලාදායිකාථෙරියාපදානං දුතියං.