7. සම්භූතත්ථෙරගාථා

291. ‘‘යො දන්ධකාලෙ තරති, තරණීයෙ ච දන්ධයෙ;

අයොනි [අයොනිසො (ස්‍යා.)] සංවිධානෙන, බාලො දුක්ඛං නිගච්ඡති.

292. ‘‘තස්සත්ථා පරිහායන්ති, කාළපක්ඛෙව චන්දිමා;

ආයසක්‍යඤ්ච [ආයසස්‍යඤ්ච (සී.)] පප්පොති, මිත්තෙහි ච විරුජ්ඣති.

293. ‘‘යො දන්ධකාලෙ දන්ධෙති, තරණීයෙ ච තාරයෙ;

යොනිසො සංවිධානෙන, සුඛං පප්පොති පණ්ඩිතො.

294. ‘‘තස්සත්ථා පරිපූරෙන්ති, සුක්කපක්ඛෙව චන්දිමා;

යසො කිත්තිඤ්ච පප්පොති, මිත්තෙහි න විරුජ්ඣතී’’ති.

… සම්භූතො ථෙරො….