6. දණ්ඩදායකත්ථෙරඅපදානං

36. ‘‘කානනං වනමොගය්හ, වෙළුං ඡෙත්වානහං තදා;

ආලම්බණං කරිත්වාන, සඞ්ඝස්ස අදදිං බහුං [අහං (සී. ස්‍යා. පී.)].

37. ‘‘තෙන චිත්තප්පසාදෙන, සුබ්බතෙ අභිවාදිය;

ආලම්බදණ්ඩං දත්වාන, පක්කාමිං උත්තරාමුඛො.

38. ‘‘චතුන්නවුතිතො කප්පෙ, යං දණ්ඩමදදිං තදා;

දුග්ගතිං නාභිජානාමි, දණ්ඩදානස්සිදං ඵලං.

39. ‘‘කිලෙසා ඣාපිතා මය්හං…පෙ… විහරාමි අනාසවො.

40. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

41. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා දණ්ඩදායකො ථෙරො ඉමා ගාථායො

අභාසිත්ථාති.

දණ්ඩදායකත්ථෙරස්සාපදානං ඡට්ඨං.

තෙවීසතිමං භාණවාරං.