7. කුටජපුප්ඵියත්ථෙරඅපදානං

37. ‘‘හිමවන්තස්සාවිදූරෙ, වසලො [චාවලො (සී. පී.), අච්චයො (ස්‍යා.)] නාම පබ්බතො;

බුද්ධො සුදස්සනො නාම, වසතෙ පබ්බතන්තරෙ.

38. ‘‘පුප්ඵං හෙමවන්තං ගය්හ, වෙහාසං අගමාසහං;

තත්ථද්දසාසිං සම්බුද්ධං, ඔඝතිණ්ණමනාසවං.

39. ‘‘පුප්ඵං කුටජමාදාය, සිරෙ කත්වාන අඤ්ජලිං [කත්වානහං තදා (ස්‍යා. පී. ක.)];

බුද්ධස්ස අභිරොපෙසිං, සයම්භුස්ස මහෙසිනො.

40. ‘‘එකතිංසෙ ඉතො කප්පෙ, යං පුප්ඵමභිපූජයිං;

දුග්ගතිං නාභිජානාමි, බුද්ධපූජායිදං ඵලං.

41. ‘‘කිලෙසා ඣාපිතා මය්හං…පෙ… විහරාමි අනාසවො.

42. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

43. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා කුටජපුප්ඵියො ථෙරො ඉමා ගාථායො

අභාසිත්ථාති.

කුටජපුප්ඵියත්ථෙරස්සාපදානං සත්තමං.