8. පිලක්ඛඵලදායකත්ථෙරඅපදානං

40. ‘‘වනන්තරෙ බුද්ධං දිස්වා [වනන්තෙ බුද්ධං දිස්වාන (සී. පී.)], අත්ථදස්සිං මහායසං;

පසන්නචිත්තො සුමනො, පිලක්ඛස්ස [පිලක්ඛුස්ස (පී.)] ඵලං අදා.

41. ‘‘අට්ඨාරසෙ කප්පසතෙ, යං ඵලං අදදිං තදා;

දුග්ගතිං නාභිජානාමි, ඵලදානස්සිදං ඵලං.

42. ‘‘කිලෙසා ඣාපිතා මය්හං…පෙ… විහරාමි අනාසවො.

43. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

44. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා පිලක්ඛඵලදායකො ථෙරො ඉමා

ගාථායො අභාසිත්ථාති.

පිලක්ඛඵලදායකත්ථෙරස්සාපදානං අට්ඨමං.