3. සීහාසනබීජියත්ථෙරඅපදානං
17. ‘‘තිස්සස්සාහං භගවතො, බොධිරුක්ඛමවන්දියං;
පග්ගය්හ බීජනිං තත්ථ, සීහාසනමබීජහං [මබීජයිං (සී.), මවිජ්ජහං (ස්‍යා.)].
18. ‘‘ද්වෙනවුතෙ ඉතො කප්පෙ, සීහාසනමබීජහං;
දුග්ගතිං නාභිජානාමි, බීජනාය ඉදං ඵලං.
19. ‘‘කිලෙසා ඣාපිතා මය්හං…පෙ… විහරාමි අනාසවො.
20. ‘‘ස්වාගතං වත මෙ ආසි…පෙ… කතං බුද්ධස්ස සාසනං.
21. ‘‘පටිසම්භිදා චතස්සො…පෙ… කතං බුද්ධස්ස සාසනං’’.
ඉත්ථං සුදං ආයස්මා සීහාසනබීජියො ථෙරො ඉමා
ගාථායො අභාසිත්ථාති.
සීහාසනබීජියත්ථෙරස්සාපදානං තතියං.