3. බිල්ලියත්ථෙරඅපදානං
15. ‘‘චන්දභාගානදීතීරෙ, අස්සමො සුකතො මම;
බිල්ලරුක්ඛෙහි [බෙලුවරුක්ඛෙහි (ස්‍යා.)] ආකිණ්ණො, නානාදුමනිසෙවිතො.
16. ‘‘සුගන්ධං බෙලුවං දිස්වා, බුද්ධසෙට්ඨමනුස්සරිං;
ඛාරිභාරං පූරයිත්වා, තුට්ඨො සංවිග්ගමානසො.
17. ‘‘කකුසන්ධං උපාගම්ම, බිල්ලපක්කමදාසහං;
පුඤ්ඤක්ඛෙත්තස්ස වීරස්ස, විප්පසන්නෙන චෙතසා.
18. ‘‘ඉමස්මිංයෙව කප්පස්මිං, යං ඵලමදදිං තදා;
දුග්ගතිං නාභිජානාමි, ඵලදානස්සිදං ඵලං.
19. ‘‘කිලෙසා ඣාපිතා මය්හං…පෙ… විහරාමි අනාසවො.
20. ‘‘ස්වාගතං වත මෙ ආසි…පෙ… කතං බුද්ධස්ස සාසනං.
21. ‘‘පටිසම්භිදා චතස්සො…පෙ… කතං බුද්ධස්ස සාසනං’’.
ඉත්ථං සුදං ආයස්මා බිල්ලියො ථෙරො ඉමා ගාථායො
අභාසිත්ථාති.
බිල්ලියත්ථෙරස්සාපදානං තතියං.