6. කළම්බදායකත්ථෙරඅපදානං

50. ‘‘රොමසො නාම සම්බුද්ධො, වසතෙ පබ්බතන්තරෙ;

කළම්බං තස්ස පාදාසිං, පසන්නො සෙහි පාණිභි.

51. ‘‘චතුන්නවුතිතො කප්පෙ, යං දානමදදිං තදා;

දුග්ගතිං නාභිජානාමි, කළම්බස්ස ඉදං ඵලං.

52. ‘‘කිලෙසා ඣාපිතා මය්හං…පෙ… විහරාමි අනාසවො.

53. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

54. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා කළම්බදායකො ථෙරො ඉමා ගාථායො

අභාසිත්ථාති.

කළම්බදායකත්ථෙරස්සාපදානං ඡට්ඨං.