7. කදලිඵලදායකත්ථෙරඅපදානං

37. ‘‘කණිකාරංව ජලිතං, පුණ්ණමායෙව [පුණ්ණමාසෙව (සී. ක.)] චන්දිමං;

ජලන්තං දීපරුක්ඛංව, අද්දසං ලොකනායකං.

38. ‘‘කදලිඵලං පග්ගය්හ, අදාසිං සත්ථුනො අහං;

පසන්නචිත්තො සුමනො, වන්දිත්වාන අපක්කමිං.

39. ‘‘එකත්තිංසෙ ඉතො කප්පෙ, යං ඵලමදදිං තදා;

දුග්ගතිං නාභිජානාමි, ඵලදානස්සිදං ඵලං.

40. ‘‘කිලෙසා ඣාපිතා මය්හං…පෙ… විහරාමි අනාසවො.

41. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

42. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා කදලිඵලදායකො ථෙරො ඉමා ගාථායො අභාසිත්ථාති.

කදලිඵලදායකත්ථෙරස්සාපදානං සත්තමං.