9. සුමනදාමියත්ථෙරඅපදානං

48. ‘‘සිද්ධත්ථස්ස භගවතො, න්හාතකස්ස තපස්සිනො;

කත්වාන සුමනදාමං, ධාරයිං පුරතො ඨිතො.

49. ‘‘චතුන්නවුතිතො කප්පෙ, යං දාමං ධාරයිං තදා;

දුග්ගතිං නාභිජානාමි, සුමනධාරණෙ ඵලං.

50. ‘‘කිලෙසා ඣාපිතා මය්හං…පෙ… විහරාමි අනාසවො.

51. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

52. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා සුමනදාමියො ථෙරො ඉමා ගාථායො අභාසිත්ථාති.

සුමනදාමියත්ථෙරස්සාපදානං නවමං.