6. කදම්බපුප්ඵියත්ථෙරඅපදානං

20. ‘‘සුවණ්ණවණ්ණං සම්බුද්ධං, ගච්ඡන්තං අන්තරාපණෙ;

කඤ්චනග්ඝියසඞ්කාසං, බාත්තිංසවරලක්ඛණං.

21. ‘‘නිසජ්ජ පාසාදවරෙ, අද්දසං ලොකනායකං;

කදම්බපුප්ඵං පග්ගය්හ, විපස්සිං අභිපූජයිං.

22. ‘‘එකනවුතිතො කප්පෙ, යං බුද්ධමභිපූජයිං;

දුග්ගතිං නාභිජානාමි, බුද්ධපූජායිදං ඵලං.

23. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා කදම්බපුප්ඵියො ථෙරො ඉමා ගාථායො අභාසිත්ථාති.

කදම්බපුප්ඵියත්ථෙරස්සාපදානං ඡට්ඨං.