4. කෙසරපුප්ඵියත්ථෙරඅපදානං

12. ‘‘විජ්ජාධරො තදා ආසිං, හිමවන්තම්හි පබ්බතෙ;

අද්දසං විරජං බුද්ධං, චඞ්කමන්තං මහායසං.

13. ‘‘තීණි කෙසරපුප්ඵානි [කෙසරිපුප්ඵානි (සී.)], සීසෙ කත්වානහං තදා;

උපසඞ්කම්ම සම්බුද්ධං, වෙස්සභුං අභිපූජයිං.

14. ‘‘එකත්තිංසෙ ඉතො කප්පෙ, යං කම්මමකරිං තදා;

දුග්ගතිං නාභිජානාමි, බුද්ධපූජායිදං ඵලං.

15. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා කෙසරපුප්ඵියො ථෙරො ඉමා ගාථායො අභාසිත්ථාති.

කෙසරපුප්ඵියත්ථෙරස්සාපදානං චතුත්ථං.