8. අනුලෙපදායකත්ථෙරඅපදානං

39. ‘‘අත්ථදස්සිස්ස මුනිනො, අද්දසං සාවකං අහං;

නවකම්මං කරොන්තස්ස, සීමාය උපගච්ඡහං.

40. ‘‘නිට්ඨිතෙ නවකම්මෙ ච, අනුලෙපමදාසහං;

පසන්නචිත්තො සුමනො, පුඤ්ඤක්ඛෙත්තෙ අනුත්තරෙ.

41. ‘‘අට්ඨාරසෙ කප්පසතෙ, යං කම්මමකරිං තදා;

දුග්ගතිං නාභිජානාමි, අනුලෙපස්සිදං ඵලං.

42. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා අනුලෙපදායකො ථෙරො ඉමා ගාථායො අභාසිත්ථාති.

අනුලෙපදායකත්ථෙරස්සාපදානං අට්ඨමං.