3. පරමන්නදායකත්ථෙරඅපදානං

9. ‘‘කණිකාරංව ජොතන්තං, උදයන්තංව භාණුමං;

විපස්සිං අද්දසං බුද්ධං, ලොකජෙට්ඨං නරාසභං.

10. ‘‘අඤ්ජලිං පග්ගහෙත්වාන, අභිනෙසිං සකං ඝරං;

අභිනෙත්වාන සම්බුද්ධං, පරමන්නමදාසහං.

11. ‘‘එකනවුතිතො කප්පෙ, පරමන්නමදිං [පරමන්නං දදිං (සී.), පරමන්නමදං (ස්‍යා.)] තදා;

දුග්ගතිං නාභිජානාමි, පරමන්නස්සිදං ඵලං.

12. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා පරමන්නදායකො ථෙරො ඉමා ගාථායො අභාසිත්ථාති.

පරමන්නදායකත්ථෙරස්සාපදානං තතියං.