5. එකඤ්ජලිකත්ථෙරඅපදානං

19. ‘‘උදුම්බරෙ වසන්තස්ස, නියතෙ පණ්ණසන්ථරෙ;

වුත්ථොකාසො මයා දින්නො, සමණස්ස මහෙසිනො.

20. ‘‘තිස්සස්ස ද්විපදින්දස්ස, ලොකනාථස්ස තාදිනො;

අඤ්ජලිං පග්ගහෙත්වාන, සන්ථරිං පුප්ඵසන්ථරං.

21. ‘‘ද්වෙනවුතෙ ඉතො කප්පෙ, යං කරිං පුප්ඵසන්ථරං;

දුග්ගතිං නාභිජානාමි, සන්ථරස්ස ඉදං ඵලං.

22. ‘‘ඉතො චුද්දසකප්පම්හි, අහොසිං මනුජාධිපො;

එකඅඤ්ජලිකො නාම, චක්කවත්තී මහබ්බලො.

23. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා එකඤ්ජලිකො ථෙරො ඉමා ගාථායො අභාසිත්ථාති.

එකඤ්ජලිකත්ථෙරස්සාපදානං පඤ්චමං.