6. වණ්ණකාරත්ථෙරඅපදානං

23. ‘‘නගරෙ අරුණවතියා, වණ්ණකාරො අහං තදා;

චෙතියෙ දුස්සභණ්ඩානි, නානාවණ්ණං රජෙසහං [රජිං අහං (ක.), රජෙමහං (ස්‍යා.)].

24. ‘‘එකත්තිංසෙ ඉතො කප්පෙ, යං වණ්ණං රජයිං තදා;

දුග්ගතිං නාභිජානාමි, වණ්ණදානස්සිදං ඵලං.

25. ‘‘ඉතො තෙවීසතිකප්පෙ, වණ්ණසම [චන්දුපම (සී.), චන්දසම (ස්‍යා.)] සනාමකො;

සත්තරතනසම්පන්නො, චක්කවත්තී මහබ්බලො.

26. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා වණ්ණකාරො ථෙරො ඉමා ගාථායො අභාසිත්ථාති.

වණ්ණකාරත්ථෙරස්සාපදානං ඡට්ඨං.