8. මණිපූජකත්ථෙරඅපදානං

34. ‘‘ඔරෙන හිමවන්තස්ස, නදිකා සම්පවත්තථ;

තස්සා චානුපඛෙත්තම්හි, සයම්භූ වසතෙ තදා.

35. ‘‘මණිං පග්ගය්හ පල්ලඞ්කං, සාධුචිත්තං මනොරමං;

පසන්නචිත්තො සුමනො, බුද්ධස්ස අභිරොපයිං.

36. ‘‘චතුන්නවුතිතො කප්පෙ, යං මණිං අභිරොපයිං;

දුග්ගතිං නාභිජානාමි, බුද්ධපූජායිදං ඵලං.

37. ‘‘ඉතො ච ද්වාදසෙ කප්පෙ, සතරංසීසනාමකා;

අට්ඨ තෙ ආසුං රාජානො, චක්කවත්තී මහබ්බලා.

38. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා මණිපූජකො ථෙරො ඉමා ගාථායො අභාසිත්ථාති.

මණිපූජකත්ථෙරස්සාපදානං අට්ඨමං.