6. මග්ගදත්තිකත්ථෙරඅපදානං

26. ‘‘අනොමදස්සී භගවා, ද්විපදින්දො නරාසභො;

දිට්ඨධම්මසුඛත්ථාය, අබ්භොකාසම්හි චඞ්කමි.

27. ‘‘උද්ධතෙ පාදෙ පුප්ඵානි, සොභං මුද්ධනි තිට්ඨරෙ;

පසන්නචිත්තො සුමනො, වන්දිත්වා පුප්ඵමොකිරිං.

28. ‘‘වීසකප්පසහස්සම්හි, ඉතො පඤ්ච ජනා අහුං;

පුප්ඵච්ඡදනියා නාම, චක්කවත්තී මහබ්බලා.

29. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා මග්ගදත්තිකො ථෙරො ඉමා ගාථායො අභාසිත්ථාති.

මග්ගදත්තිකත්ථෙරස්සාපදානං ඡට්ඨං.