2. කණවෙරපුප්ඵියත්ථෙරඅපදානං

7. ‘‘සිද්ධත්ථො නාම භගවා, ලොකජෙට්ඨො නරාසභො;

පුරක්ඛතො සාවකෙහි, නගරං පටිපජ්ජථ.

8. ‘‘රඤ්ඤො අන්තෙපුරෙ ආසිං, ගොපකො අභිසම්මතො;

පාසාදෙ උපවිට්ඨොහං, අද්දසං ලොකනායකං.

9. ‘‘කණවෙරං [කරවීරං (සක්කතානුලොමං), කණවීරං (පාකත)] ගහෙත්වාන, භික්ඛුසඞ්ඝෙ සමොකිරිං;

බුද්ධස්ස විසුං කත්වාන, තතො භිය්‍යො සමොකිරිං.

10. ‘‘චතුන්නවුතිතො කප්පෙ, යං පුප්ඵමභිපූජයිං [රොපයිං (ස්‍යා.)];

දුග්ගතිං නාභිජානාමි, බුද්ධපූජායිදං ඵලං.

11. ‘‘සත්තාසීතිම්හිතො කප්පෙ, චතුරාසුං මහිද්ධිකා;

සත්තරතනසම්පන්නා, චක්කවත්තී මහබ්බලා.

12. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා කණවෙරපුප්ඵියො ථෙරො ඉමා ගාථායො අභාසිත්ථාති.

කණවෙරපුප්ඵියත්ථෙරස්සාපදානං දුතියං.