8. රූපං විපාකොතිකථාවණ්ණනා
765-767. ඉදානි රූපං විපාකොතිකථා නාම හොති. තත්ථ යං කම්මස්ස කතත්තා උප්පන්නා චිත්තචෙතසිකා විය කම්මස්ස කතත්තා උප්පන්නං තං රූපම්පි විපාකොති යෙසං ලද්ධි, සෙය්යථාපි අන්ධකානඤ්චෙව සම්මිතියානඤ්ච; තෙ සන්ධාය පුච්ඡා සකවාදිස්ස, පටිඤ්ඤා ඉතරස්ස. අථ නං ‘‘යදි තෙ රූපං විපාකො, එවංවිධෙන අනෙන භවිතබ්බ’’න්ති චොදෙතුං සුඛවෙදනීයන්තිආදිමාහ. සෙසං යථාපාළිමෙව නිය්යාතීති.
රූපං විපාකොතිකථාවණ්ණනා.